• ಹಣತೆ - ಕವನ ವಾಚನ

  • Nov 15 2020
  • Length: 2 mins
  • Podcast

ಹಣತೆ - ಕವನ ವಾಚನ

Listen for free

View show details

  • Summary

  • ಈ ಮುರುಕು ಗುಡಿಸಲಲಿ

    ಕಿರಿಹಣತೆ ಬೆಳಗುತಿದೆ

    ಧ್ಯಾನಸ್ಥಯೋಗಿಯೊಲು ಸ್ತಿಮಿತವಾಗಿ !

    ಬಡವರಾತ್ಮದ ಹಣತೆ

    ಇಂತೆ ಬೆಳಗುವುದಲ್ತೆ

    ಅಜ್ಞಾತವಾಸದಲಿ ದೀನವಾಗಿ.

    ಅಲ್ಲಿ ಸೌಧಗಳಲ್ಲಿ

    ಬೀದಿ ಸಾಲುಗಳಲ್ಲಿ

    ಮಿಂಚುಸೊಡರುಗಳೆನಿತೊ ಶೋಭಿಸಿರೆ ಕೋಟಿ.

    ಧ್ಯಾನಗಾಂಭೀರ್ಯದಲಿ

    ಮತ್ತೆ ಸರಳತೆಯಲ್ಲಿ

    ಯಾವುದೀ ಬಡಗುಡಿಲ ಸೊಡರುರಿಗೆ ಸಾಟಿ ?

    ಯಾವ ಚಂದ್ರಾದಿತ್ಯ ತಾರೆಗಳಿಗಿದು ಹೀನ,

    ಇಲ್ಲಿ ಬೆಳಗುತ್ತಿರುವ ಹಣತೆಗಿಹ ಸ್ಥಾನ ?

    ಸೂರ್ಯನೋ ಹಿರಿಸೊಡರು ಭುವನ ಭವನಕ್ಕೆ

    ಹಣತೆಯೋ ಕಿರಿಸೊಡರು ಮಣ್ಣು ಗುಡಿಸಲ್ಗೆ.

    ಯಾವ ಚಿತ್‌ಶಕ್ತಿಯದು

    ಸೂರ್ಯನಲಿ ಬೆಳಕಾಗಿ

    ತಾರೆಯಲಿ ಹೊಳಪಾಗಿ

    ಬೆಂಕಿಯಲಿ ಬಿಸಿಯಾಗಿ ಪ್ರವಹಿಸಿಹುದೋ,

    ಆ ದಿವ್ಯಶಕ್ತಿಯೇ ಈ ಮಣ್ಣ ಹಣತೆಯಲಿ

    ಹರಿಯುತಿರೆ, ಕಿರಿಹಣತೆ ಕಿರಿದಾದರೇನು ?

    ಬೆಳಕ ಬೀರುವ ಶಕ್ತಿ ಹಿರಿದಲ್ಲವೇನು ?


    - ಜಿ.ಎಸ್.ಎಸ್. ಶಿವರುದ್ರಪ್ಪ

    ಕವನ ಸಂಕಲನ: ಸಾಮಗಾನ 

    https://parashuramakalappanagoji.blogspot.com/2018/11/blog-post.html
    Show More Show Less
Show More Show Less

What listeners say about ಹಣತೆ - ಕವನ ವಾಚನ

Average Customer Ratings

Reviews - Please select the tabs below to change the source of reviews.

Audible.in reviews

Amazon Reviews
No Reviews are Available