Ye Buddha ke sutra hain jinmen Buddha aath angovala marga batate hain: samyak drishti, samyak sankalp, samyak vani, samyak karmant, samyak ajiv, samyak vyayam, samyak smriti, samyak samadhi. Osho ne. bahut gaharai se in aath ango ko samjhaya hai jo sadhak ke liye atyant upayogi hai.

Ahankari vyakti pratipal isi hisab me laga rahta hai ki kis tarah se mere ahankar ko jyada sahara milega. Akad kar khada rahu, kisi ke samne na jhuku, chehre ko bilkul patthar ki murti bana lu, isase milega? Ya phir vinamrata se labh milega to vah vinamar hone ko bhi taiyar hai. Is ahankar se bachiye, yah maharog hai.

Is pravachan me Osho kahte hai ki paramatma ki purani dharna ab kaam nahi aayegi. Usase upar uthkar dhyan me utarna chahiye tabhi jivan ka arth samajh mei ayega. Ishvar ko upasthiti ki bhanti samjhe, vyakti ki bhanti nahi.

Shreshth vahi hai jo jhuk sakta hai. Is pravachan me Osho ek bahut gahri baat kah rahe hain jo mahtvakanksha ki daud ke viprit hai. Sagar itana virat hai kyoki vah sabse niche hai isaliye har jharna usi me akar girta hai. Purab ne bahut bahut tarah se jhukne ka aur sab kuch pane ka raaj jaan liya hai. Jinhe hinta ki granthi hai ve hi daudte hai.

Dhammapad par Osho ke pravachanon ka yah viraat sahitya 2500 varsh ke antaraal ke baad Buddha ki vaani ko samajhne mein atyant upyogi hai. Dhammapada ke sutra vastutah hamein jagane ke sutra hain. In sutron ko samajh kar Osho ne hamari chetna ko jagrat karne ki aisi jeevant prakriya ka raseela niroopan kiya hai jo vyakti ka aamool roopantaran kar de.

Buddha ke ye sutra hame jagne ke liye prerit karte hai. Ve kahte hai jo bhi soye-soye ji raha hai vah maut me ja raha hai aur jo jagkar ji raha hai vah amrit path par chalne laga. Bhitar jagte hi uska pata chalta hai jo mit hi nahi sakta.

Dariya sahab ke sutra se aarambh hoti hui yah pravachan mala vividh bhangimaon ke saath Osho ki vaani se rassikt hai. Jaat, paat, dharm, raajneeti mein chipe hue paakhand ka pardafaash karte hue Osho hamein ek anant ki yatra ka sanket dete hain. Ve kehte hain, mera sanyaasi anhad ki talaash mein laga hai, seemaon ka atikraman kar raha hai. Ghar chodna nahi hai, ghar mein rehte hi jaanna hai ki ghar meri seema nahi hai. Parivaar chodna nahi hai.

Charitra ki badi sundar mimansa hai is pravachan me. Aam taur par ham charitra use kahte hai jo bahar se aropit hai. Aisa charitra kitna hi majabut dikhai pade, kisi bhi kshan toot sakta hai. Asli charitra bhitar nirmit hota hai aur bahar phailta hai; jiski jaden svabhav me chipi hai.

Jivan ke satya kahi door akash me nahi chipe hai. Ve yahi likhe pade hai charo taraf. Patte-patte par aur kan-kan par ved likhe hai, bas dekhnevali ankh chahiye. Anubhav ke phul ikaththe karake mat rakhna, unka itra nikalna, tabhi satya milega.

Is pravachan me Osho hamare sthapit mulya par chot karate hai. Ham adarsh ko mahan maante hai lekin Osho ke anusar adarsh thothe hai kyoki ve udhar hai. Adarsh bahar se thope jaate hai, bhitar ki samajh se nahi nikalte. Adarsh ka arth hai ham jaise nahi hai vaise banne ki koshish karana. Yadi jivan ko janna hai to apne antas ko khilne de. Samanya ko mahatva de, vishisht hone ki koshish na kare.

Here Osho deals with the difference between the intellectual, logical mind and the more encompassing realm of spirit or intuition. Mind knows reality through logic while intuition is how the spirit experiences reality. Osho describes the three different levels of the ladder of consciousness: the lowest and the first is instinct; the second, the middle, is intellect; and the third, the highest and most subtle, intuition.

Jagaran ki bela kaunsi? Jis kshan jag aa jaaye vahi. Iska artha hua, kisi bhi kshan jaag sakte hai.Yahi baat Osho samjha rahe hai isme. Bhoot aur bhavishya me uljhe na rahe, vartaman me hosh ko laaye. Suraj bhitar maujood hai.

Prem ke vibhinna pahaluo ko samajhne ke liye yah anupam pravachan hai. Osho kahte hain ki prem badi adbhut ghatna hai.Yah sadharan nahi hai, alaukik hai. Is prithvi par svarg ki jo choti si kiran utarti hai uska nam prem hai.

Samyak darshan ke bina gyan nahi. Gyan ke bina charitrya nahi. Charitrya ke bina moksha nahi. Jo abhi charitra me shudha nahi hua usaka moksha kaha?

Yah samaj tumhare dukh par ji rahe ho. Yaha jo yashasvi log hai ve tum par tabhi tak niyantran kar sakte hai jab tak tum dukhi ho. Islyie tumhe dhukhi rahna padta hai. Lekin sukh tumhara svabhav hai, tumhare bhitar hi hai. Dukh ke karan dur kar do, sukh pragat hoga.